Мурињо и после дебаклот пронајде што да – пофали

После убедливиот пораз на Манчестер Јунајтед, сите со нетрпение ја очекуваа реакцијата на Мурињо.

Првата реакција беше видена на самиот терен кога им аплаудираше на дел од навивачите на Јунајтед кои му возвратија со поддршка.

Сеапк, се чекаше неговата изјава после натпреварот, а Жозе ги отфрли проценките дека Покетино тактички го победил.

„Работевме напорно, многу напорно во текот на целата недела. Стратешки не бевме поразени, но сепак го изгубивме натпреварот. На полувремето требаше да водиме со 2:0, 3:1 или 3:0, но потоа нешто се случи и се промени текот на натпреварот, тие поведоа со 2:0. Сепак, мојот тим и понатаму беше во игра и мислам дека ситу чуствуваа дека еден наш гол може да промени се. Го чуствуваа тоа и во Тотенхем, но тогаш нивниот трет гол го „уби“ натпреварот“, изјави Мурињо.

Потоа тој го прокоментира аплаузот од навивачите и нагласи тие вечерва го почуствувале единството кое владее во неговата екипа.

„Не читаат сите наши навивачи весници, не гледаат сите телевизија, тие се многу повеќе интелегентни. Одговорија на одличен начин. Не е нормално на домашен терен да изгубиме 3:0, но сите кои го гледаа натпреварот можеа да го видат единството во нашиот тим. Мислам дека тоа е јасно, нашиот тим е единствен. Тим кој не е единствен не се бори вака, не дава се од себе, а без менаџер нема единство“, заклучи Португалецот.