Миланско дерби за ѕвездата на Лион

Италијанските гиганти Милан и Интер се силно заинтересирани за плејмејкерот на Лион, Хусем Ауар, пренесуваат француските медиуми.

24- годишниот плејмејкер до минатото лето беше на радарот на многу европски гиганти, но реши да остане во Лион.

Ауар влезе во последната година од договорот и на крајот на сезоната ќе биде слободен агент, а веќе од јануари може да преговара со заинтересираните клубови.

Миланските гигати сакаат да ја искористат таквата ситуација и да го донесат Французинот на лето без обештетување.

Ауар сака да се пресели во Серија А, па останува да видиме кој ќе ја добие битката за неговиот потпис.