Милан ја сака ѕвездата на Лил

Дивок Ориги ова лето пристигна во Милан од Ливерпул, но до сега не ги оправда очекувањата бидејќи долго време е повреден.

Милан на лето сака да доведе нов напаѓач, а прва желба е ѕвездата на Лил, Џонатан Дејвид.

Дејвид минатата сезона блескаше во Лил, а и оваа сезона ја отвори добро, па сака да направи чекор напред во кариерата.

Милан веќе стапил во контакт со неговиот агент, но тешко дека Лил ќе сака да го пушти на средина од сезоната, па многу поверојатно е да пристигне на „Сан Сиро“ следното лето.

22-годишниот канадски репрезентативец е на мета на многу клубови, но Милан сака да ја победи конкуренцијата.

Лил за неговата слобода бара 50 милиони евра, а „росонерите“ ќе се обидат со преговори да ја намалат таа сума.