Милан го продава Андре Силва во Монако

Италијанските медиуми пренесуваат дека напаѓачот на Милан, Андре Силва е блиску до трансфер во Монако.

22-годишниот португалски репрезентативец минатото лето пристигна на „Сан Сиро“ за 36 милиони евра од Порто, но не успеа да се адаптира во Серија А.

Силен интерес за него покажува и Вулверхемптон, но Андре Силва преферира да се пресели во Монако.

Тимот од „кнежевството“ веќе испратил понуда од 32 милиони евра за Португалецот, но „росонерите“ сакаат во трансферот да го вклучат и Радамел Фалкао.

Имено, Милан побарал да го добие искусниот Колумбиец на едногодишна позајмица со право на откуп следното лето, а Фалкао веќе дал зелено светло за трансферот.