Меси спремен да потпише нов договор со ПСЖ

Пари Сент Жермен сака да го задржи Лео Меси, а шпекулациите дека Аргентинецот може да се врати во Барселона го натераа клубот побрзо да реагира со нов договор.

Еминентниот весник „Паризиен“ тврди дека Меси е спремен да потпише нов договор со ПСЖ и дека Аргентинецот се чуствува одлично во клубот.

ПСЖ веќе спремил понуда за продолжување на договорот, а француските медиуми откриваат дека станува збор за 1+1 години и плата од 30 милиони евра по сезона.

Во моментов раководството се уште не започнало преговори, но се очекува тие да започнат наскоро.

Меси има договор со „светците“ до крајот на сезоната, па иако Барселона сака да го врати, сепак Аргентинецот е задоволен во Париз и е спремен да стави потпис на нов договор.