Меси: Горд сум кога ќе кажете дека Џинобили е „кошаркарскиот Меси“, но всушност јас сум „фудбалскиот Ману“

Славниот аргентински кошаркар Ману Џинобили влезе во Куќата на славните во НБА, а овој момент го обележа Лионел Меси со необична порака.

Џинобили е четирикратен шампион во НБА лигата со Сан Антонио Спарс. Доби бројни честитки, а една од нив е од неговиот сонародник Лионел Меси.

„Се чувствувам горд кога некој од новинарите ќе каже дека Ману е „кошаркарскиот Меси“, но всушност луѓето треба да кажат дека јас сум „фудбалскиот Ману““, гласи изјавата на Меси која ја објавија на официјалниот профил на Санс.

Аргентинецот се смета за еден од великаните на Спарси заедно со Тони Паркер и Тим Данкан ја сочинуваа т.н „Голема тројка“ со Грег Попович на клупата.