Малдини е победник: Останува во Милан и носи две големи ѕвезди

Голем пресврт се случи во италијанскиот гигант Милан, кога е во прашање иднината на тренерот, но и воопшто на клубот.

Веќе подолго време се најавуваше дека Ралф Рагник од следната сезона ќе дојде во Милан и ќе ја обавува функцијата на спортски директор и тренер. Легендата Малдини беше против неговото доаѓање, па се очекуваше и тој да го напушти клубот.

Синоќа се случи голем пресврт. Милан потврди дека ги прекинал преговорите со Рагник и официјално го продолжи договорот со Пиоли до 2022 година.

Ова значи победа на Малдини во раководството на клубот. Медиумите тврдат дека тој сигуно ќе остане, а големи се шансите договорот да го продолжи и Златан Ибрахимовиќ.

Тоа значи дека се менуваат и трансфер плановите, па медиумите откриваат дека сега главна цел ќе бидат двајцата најголеми италијански таленти. Станува збор за Федерико Киеза од Фиорентина и Сандро Тонали од Бреша.

Киеза е на мета на многу клубови, Фиорентина за неговиот потпис бара 70 милиони евра, но Милан е спремен да го понуди Пакета плус 30 милиони евра.

Што се однесува до Тонали, неговата цена изнесува 40 милиони евра, а „росонерите“ се спремни да ја победат конкуренцијата и да го донесат на „Сан Сиро“.

⚔ #Milan – Sfida a #Juve e #Inter: #Chiesa e #Tonali per la #Champions
? #CMITmercato https://t.co/1r99QS8tzt

— calciomercato.it (@calciomercatoit) July 22, 2020