Лошите вести не запираат: Конте со многу главоболки против Барселона

Фудбалерите на Челзи синоќа доживеаа нов пораз на гоствањето против Вотфорд, каде што беа поразени со 4:1 во рамките на 26. коло од англиската Премиер лига.

Челзи се наоѓа во многу лоша форма во најлошиот можен предиод, бидејќи пред „Сините“ за две недели е натпреварот во рамките на осмина финалето против Барселона во Лигата на Шампионите. Челзи последниве неколку недели се наоѓа во очајна форма, а веќе на големо се шпекулира дека Конте би можел да добие отказ. Меѓутоа, тешко е да се очекува дека Абрамовиќ тоа ќе го направи, бидејќи следуваат важни натпревари за неговиот тим во следниот период.

Челзи за две недели го игра првиот натпревар од осмина финалето во Лигата на Шампионите против Барселона, а листата на повредени е се подолга. Кошмарот продолжи и синоќа, откако што поради повреда теренот го напушти Педро, кој најверојатно месец дена ќе биде надвор од терените.

Покрај него, повредени се и Рос Баркли, Алваро Мората и Андреас Кристенсен, а синоќешниот натпревар го пропушти и Маркос Алонсо. Меѓутоа, од Челзи потврдија дека не е ништо сериозно и дека тоа го направиле од претпазливост.