Лондонско дерби за голманот на Лацио

Арсенал и Тотенхем се силно заинтересирани за голманот на Лацио и албански репрезентативец Томас Стракоша, пренесуваат медиумите на Островот.

Двата клуба ова лето сигурно ќе донесат еден голман кој ќе може да биде резервна опција. Во моментов први голмани во Арсенал и Тотенхем се Бернд Лено и Уго Лорис, но немаат адекватна замена.

Клубовите од Северен Лондон во албанскиот репрезентативец гледаат идеално засилување за голманската позиција.

24-годишниот Стракоша има одлична сезона зад себе, а Лацио е спремен да го продаде доколку пристигне понуда од 25 милиони евра.