Лидс издоминира: Челзи шокиран на „Еланд Роуд“ 🎥

Eкипата на Челзи денес доживеа шокантен пораз на гостински терен од Лидс.

Иако „сините“ важеа за фаворит во овој дуел сепак, Лидс доминираше и заслужено дојде до победата. Натпреварот го отвори Аронсон со голот после половина час игра, а само четири минути подоцна Родриго се погрижи за 2:0. Челзи во првото полувреме испрати само еден удар во рамките од голот на домаќините.

Лидс во второто полувреме го намали темпото, но повторно Челзи не создаваше многу прилики за гол. Во 70.минута Харисон и Родриго ги сменија улогите, па сега Родриго беше асистент, а Харисон стрелаше за веќе убедливи 3:0.

Тука веќе стана јасно каде одат бодовите од овој натпревар, дополнителен проблем за тимот на Тухел е црвениот картон кој Кулибали го доби во последните минути од натпреварот.

За Лидс ова беше втора победа во првите три натпревари, а еден натпревар одиграа нерешено. Од друга страна Челзи остана на четири бода по три кола.