Легендарното трио работи на трансферот на Модриќ, познато и каков договор Интер му спрема на Хрватот!

Tимот на Интер е сериозен во намерата да го доведе Лука Модриќ, без оглед на последната изјава на Флорентино Перез.

Имено, веќе неколку дена во Милано е актуелна приказната за потенцијалнот ангажман на Лука Модриќ од страна на Интер. Флорентино Перез вчера порача дека Хрватот може да замине само 750 милиони евра.

Денес во медиумите се појави и вест за тоа каков договор би можеле да му понудат „нероаѕурите“ на фудбалерот кој беше прогласен за најдобар на последното Светско првенство.

Интер е спремен на Модриќ да му понуди договор со плата од осум милиони евра по сезона, но она што е важно тој би имал важност до 2022 година, што значи дека по истекот на истиот Модриќ би имал 37 години и би се обезбедил практично до крајот на својата кариера.

Медиумите во Италија пренесуваат и дека на трансферот на Модриќ во овој момент работи триото Лемиќ, Рисо, Мијатовиќ кое неодамна го обезбеди трансферот на Врсаљко. Врската помеѓу Модриќ и Мијатовиќ е прилично силна со оглед дека поранешниот ас на Реал Мадрид и Партизан заедно со Лемиќ учествуваше во трансферот на Модриќ од Реал во Тотенхем во 2012 година.

Како и да е многу работи би требало да бидат појасни после состанокот кој е закажан за идната недела помеѓу Перез и Модриќ.