Куртоа сите патишта го водат во – Мадрид!

Се што се случува во последните две недели не наведува да размислуваме дека Тибо Куртоа би можел да премине во Реал Мадрид ова лето.

„Кралевите“ се обидуваа да го доведат Алисон во еден момент изгледаше како и се да е завршена работа и дека ќе го облече белиот дрес, но цената од 70 милиони евра се покажа како преголема пречка. Покрај тоа Рома после продажбата на Раџа Наинголан во Интер, немаше потреба од нова продажба.

Од друга страна, преговорите помеѓу Реал Мадрид и менаџерите на Куртоа наводно констатно се во тек и судејќи според се нема да има никакви проблеми да се договорат Куртоа и Реал. Проблемот е да се убеди Челзи.

Каква е ситуацијата кај „сините“?

Куртоа денес влегува во последната година од договорот, па така ова ќе биде последна шанса за Челзи да заработи на Куртоа. Во овој момент поради ситуацијата се споменува сума од 35 милиони евра.

Од друга страна, Реал е свесен дека и Атлетико Мадрид е заинтересиран и дека ја следи ситуацијата, па сака работата да ја заврши што побрзо.