Кој е подобар: Болт со одговор на вечната дилема Меси или Роналдо

Најдобриот спринтер на сите времиња, Усаин Болт изјави дека по негово мислење Кристиано Роналдо е подобар фудбалер од Лионел Меси.

Болт му даде предност на Португалецот, бидејќи се докажа и во Премиер лигата.

„Роналдо е подобар. Беше доминантен во Премиер лигата и сега во Примера. Покажа дека може да направи разлика во било кое првенство. Јас сум негов навивач. Го следам со години, а неколку пати и сме се сретнале. Го сакам Манчестер Јунајтед, но го почитувам и Реал Мадрид, бидејќи таму е Роналдо“, изјави Болт.

Болт по завршувањето на атлетската кариера се одлучи да се проба во фудбалот, па веќе некое време тренира со Борусија Дортмунд.