Клоп: Окс е на добар пат да го покаже целиот свој потенцијал

Алекс Окслејд Чемберлејн ова лето одлучи да го напушти Арсенал и премина во редовите на Ливерпул, но до сега не ги оправда очекувањата.

На последниот натпревар за Црвените, брзоногиот Англичанец одигра одлично. Ливерпул го совлада Борнмут со 4:0, а Окс запиша асистенција и го одигра целиот натпревар, што не зачудуваат добрите коментари од страна на Јирген Клоп.

„Тој е на добар пат. Ми се допаѓа, има неверојатно огромен потенцијал, што не го покажува секогаш.“ – изјави Клоп за официјалниот сајт на Ливерпул.

„Се надевам дека ќе остане спремен, тоа е најбитната работа. Може да биде повеќе решителен во некои ситуации. Понекогаш повеќе игра на средината отколку напаѓач – има многу работи кои може да ги подобри. Навистина сум среќен поради него.“ – додаде тренерот на Црвените.