Клоп носи одлични вести за „црвените“: Фирмино е прв, но не и последен

Менаџерот на англискиот премиерлигаш Јирген Клоп е среќен што напаѓачот Роберто Фирмино неодамна стави потпис на нов договор.

Во новата сезона Фирмино игра навистина одлично, а откако потпиша нов договор на „Енфилд“ можеа да воздивнат, но тука нема да застанат, барем така најави Клоп.

Јирген Клоп најави дека Фирмино е првиот, но не и последниот кој ќе стави потпис на нов договор.

„Тоа се неверојатно добри вести. Станува збор за важен чекор. Апсолутно, но Роберто не може да игра сам, сакам и другите играчите да потпишат нови договор. Во секој момент секој играч знае какви се нашите планови. Фирмино како што кажав е прв и сигурно нема да биде последен“, истакна менаџерот на „црвените“.

Да потсетиме, Ливерпул утре го очекува реваншот во полуфиналето од Лигата на шампионите против Рома.