Клоп: Мораме во Лигата на шампионите

Tренерот на Ливерпул, Јирген Клоп смета дека неговите фудбалери мораат да останат мотивирани и да ги избегнат грешките кои ги правеле во одредени натпревари во текот на првенството доколку сакаат да обезбедат место во Лигата на шампионите.

Фудбалерите на Ливерпул утре го играат својот натпревар против Свонси, а натпреварот се игра традиционално на вториот ден од Божиќ, „Боксинг деј“.

„Мораме да се пласираме во Лигата на шампионите. Мораме да го завршиме првенството на што подобра позиција. Можеме да бидеме втори, трети или четврти, а тоа е фантастична ситуација. Не е онаа за која сонувавме, но е фантастична. За тоа работиме и поради тоа мораме да се поправиме на сите полиња“, изјави Клоп за „Скај“.