Кепа: Убеден сум дека можам да ги променам работите

Голманот на Челзи, Кепа Аризабалага зборуваше за тоа како се чувствува откако го загуби местото во стартниот тим.

„Се чувствувам добро, уверен сум во самиот себе. Можеби ситуацијата сега не е идеална, но треба да поминам низ тоа. Спокоен сум, кога ќе се појави можност да играм, ќе го направам тоа на најдобар можем начин. Јас како и сите други играчи сакам да играм редовно“, истакна Кепа.

„Во фудбалот е тешко да се зборува за иднината, јас сакам да играм сега. Сега имам шанса да играм за репрезентацијата и насочен сум кон тоа. Сигурен сум дека можам наскоро да ја променам ситуацијата“, додаде наскапиот голман на светот.