Карагер: Не верувам дека Ливерпул ќе заврши во топ 4

Ливерпул вчера успеа да стигне до победа против Вулверхемптон (1:0), но Џејми Карагер не верува дека тимот на Клоп ќе се избори за место во топ 4, односно пласман во Лигата на шампионите.

Во овој момент Ливерпул има 46 бода, пет помалку од Челзи кој се наоѓа на четвртата позиција.

„За топ 4 ќе има вистинска борба оваа сезона. Во овој момент не верувам дека Ливерпул ќе биде во топ четири. Победија против Вулвс, но пред нив се уште е долг пат“, изјави Карагер кој сепак не ги отпиша во целост избраниците на Клоп.

„Ливерпул треба на четири или пет натпревари до крај да биде во позиција каде што ќе може да напредува ако некој погреши“, објасни поранешниот дефанзивец на „црвените“.