Каде е тој, таму се проблемите – „пукна тиквата“ помеѓу Раиола и Манчестер Јунајтед?

По хаосот кој го создаде во Милан, Мино Раиола сега создава проблеми и во Манчестер Јунајтед.

Имено, додека пред две години ги превзема работите во Манчестер Јунајтед и го „исфрли“ Мендеш, прво ги доведе Погба и Ибрахимовиќ, па потоа минатото лето и Лукаку, сега изгледа дека дојде крајот на нивната „љубов“.

Во Јунајтед се бесни поради тоа што Раиола го нуди Погба на други клубови, а се шпекулира дека тој стои зад вчерашната приказна дека Французинот е спремен да се врати во Јувентус и да се откаже од големата плата.

Од Раиола доаѓаат и критиките дека е невозможно Погба да заборавил да игра фудбал и дека Мурињо не успева да го извлече најдоброто од него. Проблемите започнаа со Михтаријан кој не успеа да се наметне, а на крајот заврши во Арсенал, Ибрахимовиќ сега чека да замине, како и резервниот голман Ромеро.

Доколку замине Погба, останува Лукаку, но од друга страна тешко дека Наполитанецот ќе си дозволи себе си да си ја затвори вратата во Манчестер Јунајтед.