Иранец руши рекорд и доаѓа во Премиер лигата

Фудбалската репрезентација на Иран на Светското првенство остави одличен впечаток и покрај елиминацијата во групната фаза.

Победата над Мароко, ремито со Португалија и минималниот пораз од Шпанија дефинитивно се резултати со кои Иран може да се гордее, а некои репрезентативци оставија одличен впечаток и си осигураа трансфер.

Еден од нив е Ализер Јаханбакш, 24-годишен крилен напаѓач кој во наредните денови треба да потпише за Брајтон. Тој е моментално фудбалер на АЗ Алкмар, а минатата сезона беше прв стрелец во лигата со 21 гол на 33 натпревари.

Иранскиот напаѓач е на добар пат да го сруши клупскиот рекорд на АЗ бидејќи холандскиот клуб од неговата продажба ќе инкасира 25 милиони евра.