Избран домаќинот на Суперкупот во 2024 година

Натпреварот помеѓу победникот во Лигата на шампионите и Лигата на Европа со кој се отвора новата сезона во европскиот фудбал наредната година ќе се игра во Варшава на 14. август.

Извршниот комитет на УЕФА во Кипар денес го изгласа стадионот во Полска кој има капацитет до 50.000 гледачи за домаќин на овој натпревар.

Ова може да биде и последен Суперкуп во ваков формат бидејќи се најавени промени во европските натпреварувања.

Од идната година Лигата на шампионите ќе има 36 екипи, додека Суперкупот ќе се игра во форма на фајнл-фор, но засега нема конкретни детали како и кои екипи ќе обезбедуваат учество.