Зидан: Ми се допадна тоа што Мбапе го направи против Барселона

Tренерот на Реал Мадрид, Зинедин Зидан на денешната прес-конференција зборуваше за Килијан Мбапе.

Од поодамна е познато дека Мбапе е желба на Реал Мадрид и се пишуваше дека напаѓачот на ПСЖ на лето можел да дојде во Мадрид.

Зидан сега беше запрашан за настапот на Мбапе против Барселона кога постигна хет-трик.

„Неговиот настап беше фантастичен, ми се допадна тоа што го направи, но поради љубовта кон фудбалот“.

Мбапе или Халанд?

„Она што сакам е да гледам фудбал и добри играчи. Тие двајца се сегашност и иднина. Тоа е тоа. Не можам ништо повеќе да ви кажам“, изјави Зидан.