Зидан: Зошто Јовиќ беше на трибини? Затоа што јас одлучувам!

Лука Јовиќ минатото лето стигна во Реал Мадрид за 60 милиони евра како желба на Зидан и се очекува со Карим Бензема да ја делат минутажата, меѓутоа Јовиќ е резерва, а Зидан ретко му дава прилика.

За „Ел Класико“ кое се играше во последниот викенд Јовиќ беше дури и на трибините.

„Јовиќ е во совршена физичка форма и тоа што го нема во тимот за „Ел Класико“ покажува дека Зидан му испраќа јасна порака“, пишуваше шпански „АС“ пред натпреварот кој Реал го доби со 2:0.

После натпреварот против Барселона Зидан го прашаа зошто Јовиќ не беше помеѓу 18. Играчи ако не е повреден. Зидан даде краток одговор.

„Одговорот е јасен – затоа што јас сум тренер и затоа што јас сум тој кој одлучува“, изјави францускиот стратег.