Евертон во сериозни проблеми: На „карамелите“ ќе им бидат одземени бодови?

Тимот на Евертон игра лоша сезона и се бори за опстанок во англиската Премиер лига, а сега се соочува и со други проблеми.

Имено, Премиер лигата отвори истрага за кршење на Финансискиот фер плеј поради нивното трошење минатата сезона.

Премиер лигата го испрати Евертон до независна комисија за прекршување на равила кои диктираат дека на клубовите им е дозволено да загубат најмногу 105 милиони фунти во текот на три години.

Тимот од „Гудисон Парк“ регистрирал загуби од неверојатни 371.8 милиони фунти во истиот период. Клубот сега ќе оди под истрага и се најавува казна со одземање на бодови со што борбата за опстанок ќе им стане уште потешка.