Дончиќ и Драгиќ ја уништија Германија за полуфинале на Словенија! 🎥

Словенија во своето деби на олимпискиот турнир ќе игра во полуфиналето, Дончиќ и друштвото ја победија Германија со 94:70.

Најзаслужни за победата беа Дончиќ и Горан Драгиќ, двајцата заедно уфрлија 47 поени. Од самиот старт најавија дека нема да ја пропуштат шансата за полуфинале, Германија парираше до средината на вториот период, а потоа на сцена стапи НБА тандемот на Словенија.

Како што одминуваше натпреварот прашање беше само со колкава разлика ќе победи Словенија.

Дончиќ беше блиску до трипл-дабл со учинок од 20 поени, 11 асистенции и осум скока. Драгиќ постигна 27 поени, а одличен беше и Тобеј кој стигна до дабл-дабл со 13 скока и 11 асистенции.

Кај Германија Ло и Гиги со 11, односно 10 поени беа единствени со двоцифрен број на поени.