Долговите на Манчестер Јунајтед пораснаа до половина милијарда

Договите на Манчестер Јунајтед се зголемиле за 64,2 милиони финти во последната година и во моментов изнесуваат 455,5 милиони фунти нето.

Ова денес го објави извршниот директор на клубот, Ед Вудворд. Поради пандемијата значително се намалија приходите на клубот, односно Јунајтед губи 6 милиони од секој меч на „Олд Трафорд“.

Меѓутоа, пласманот во Лигата на шампиони донесе поголеми приходи од ТВ права. Иако отпадна уште во групната фаза, Јунајтед добил 108,7 милиони фунти од ТВ права за првите три месеци од сезоната.

„Ова беше една исклучителна година, веќе поминаа 12 месеци од почетокот на пандемијата, поради која ги затворивме вратите на Олд Трафорд. Меѓутоа ние сме големи оптимисти кога е во прашање ситуацијата со нашите долгови“, изјави Вудворд.