Додека го чекаат Гвардиола да потпише, „граѓаните“ најдоа негов наследник

Ситуацијата со договорот на Пеп Гвардиола почна да ги загрижува челните луѓе на Манчестер Сити.

Актуелниот договор на Гвардиола истекува за 8 месеци, а одлуката дали ќе продолжи да ги води „граѓаните“ е целосно во негови раце.

Статегот тврди дека таа тема воопшто не влијае на неговите фудбалери, но ѕвездите на тимот се загрижени бидејќи не знаат под чие водство ќе играат следната сезона.

Од клубот му предложија нов договор и не го притискаат Гвардиола за одлуката, но веќе почнаа да размислуваат за алтернативни решенија.

Наводно веќе се идентификувани двајца тренери кои би можеле да го наследат Гвардиола на „Етихад“. Првиот е Маурисио Покетино, кој е слободен во моментов, а вториот е Јулијан Нагелсман, кој е актуелен тренер на Лајпциг.