Ди Марија открива: Ќе има големи промени во ПСЖ

Ѕвездата на Пари Сент Жермен, Анхел ди Марија е убеден дека на „Паркот на принцовите“ ќе се случат големи промени ова лето.

„Елиминацијата во ЛШ од Реал Мадрид беше голем удар за нас. Клубот потроши 400 милиони за нови засилувања, па очекувањата очигледно беа многу високи. Сигурен сум дека ќе има големи промени во ПСЖ за следната сезона“, изјави Ди Марија.

„Беше јасно дека после доаѓањето на толку големи фудбалери фановите ќе критикуваат и ќе се чувствуваат разочарани. Сега учествуваме во уште три други натпреварувања и ќе се обидеме да ги освоиме преостанатите три трофеи“, додаде Аргентинецот.