Дешамп е лут: Кој нема да ме послуша…

Дидие Дешамп беше премногу лут по поразот на неговата репрезентација од Колумбија.

Франција 25 минути изгледаше како екипа која никој не и може ништо, но потоа пристигна големиот пад во играта, по што Колумбија го промени резултатот од 0:2 на 3:2.

Ова беше последно предупредување за Дешамп пред Светското првенство, а последно предупредување добија и репрезентативците. Имено, селекторот на Франција кога влегол во соблекувалната силно ја удрил вратата и им викал на своите фудбалери. Во таа прилика, им рекол: „Кој нема да игра како што треба, нема ни да си оди на Светското првенство“.

Франција има прилика да се подобри утре кога играат против Русија во Санк Петербург.