Дешам: Тоа што се случува со Погба е тажно

Селекторот на француската репрезентација Дидие Дешамп на прес-конференцијата зборуваше за Пол Погба (30).

За потсетување, ѕвездата на Јувентус се соочува со суспензија од две до четири години доколку истрагата покаже дека е виновен откако неговиот допинг тест бил позитивен и Б примерокот покажал прекумерно ниво на тестостерон.

“Жал ми е за Погба, многу работи му се случија. Тој е во комплицирана ситуација. Ќе мора да се брани, тоа е дел од долга процедура.

Се започна со допинг тест. Не знам што ќе му се случи, но тажно е тоа што се случува“, изјави Дешам.

Погба има 91 настап и 11 голови за Франција, со која го освои Светското првенство во 2018 година и Лигата на нации во 2021 година.

Дешам беше запрашан дали Погба има иднина во репрезентацијата. „Не знам што ќе се случи со него во иднина. Се надевам дека повторно ќе биде среќен и повторно ќе излезе на теренот, но ќе треба малку време“, одговори селекторот.