Дерби на денот: Шпанија сака ги испрати Германците дома

Ова е еден од најголемите дерби натпревари кои ќе се одиграат во групната фаза на Светското првенство, а особено добива на тежина после неочекуваниот пораз на Германија во првиот меч.

Германија доживеа шокантен пораз од Јапонија во првото коло, па повеќе нема право на кикс и ова за „панцирите“ е клучен натпревар, а Шпанија е можеби и најтешкиот противник во моментов.

Германците имаат причина за грижа

Германија го приреди најнепријатното изненадување во досегашниот дел од Мундијалот, кога беше поразена во првото коло од Јапонија, иако имаше предност со голот на Гундоган. Со оглед дека ова е тешка и израмнета група, „панцирите“ се доведоа во ситуација против Шпанија да го играат клучниот меч за својата иднина. Тоа воопшто не е добра вест за Германците со оглед на фактот дека „црвената фурија“ е во одлична форма, а Германија нема победа против Шпанија на последите три меча. Четата на Флик секогаш игра најдобро кога е најпотребно, па се очекуваат и некои промени во составот. Според најавите Горецка и Сане најверојатно ќе се најдат во стартниот тим. Германија веќе подолго време игра променливо, во Лигата на нации запиша само една победа, па јасно е дека репрезентацијата е во преоден период и дека има промена на генерации. Во секој случај, Германија има квалитет и искуство да ја преброди оваа ситуација, но притисокот е огромен. Пресметките се јасни, Германија мора да ги победи следните два меча, а првата пречка е исклучително тешка.

Младата и полетна Шпанија е без притисок

Луис Енрике направи сериозен рез во репрезентацијата, од ветераните го повика само Бускетес и во Катар пристигна со прилично млада репрезентација. Поради тоа можеби и беше малку потценета и не беше сметана меѓу главните фаворити, но во првиот меч покажа дека е спремна за големи нешта. За волја на вистината Костарика не е противник по мерка, но „фуријата“ постигна седум гола и играше фантастично. Младиот Гави иако има само 18 години се покажа како вистински лидер и некој кој командура во средниот ред, а Олмо, Феран Торес и останатите се гледни за успех и сакаат да покажат дека се потценети. Ова секако ќе биде најголемиот тест за оваа репрезентација, бидејќи Германија секако е најсилен противник кој може да го добиете во групната фаза. Меѓутоа, четата на Енрике ќе игра без притисок и со голем ентузијазам, а секако ако нешто не им недостасува тоа е сигурно квалитет. Шпанија и во Лигата на нации играше добро и има само еден пораз на последните десет меча. Луис Енрике нема проблем со повредени фудбалери и се очекува да започне со истиот состав како во првиот меч.

Очекување

Очекуваме неизвесен и возбудлив натпревар со многу голови. Двете репрезентации играат отворен фудбал со многу офанзивни карактеристики, па очекуваме голови на двете страни.