Гвардиола изгуби од Лестер, па ги критикуваше УЕФА и ФИФА

Манчестер Сити вчера изгуби во финалето на Комјунити Шилд од Лестер со 1:0.

Со голот на Келечи Инхеначо Лестер стигна до трофејот иако Сити беше голем фаворит.

Пеп Гвардиола после натпреварот ги критикуваше УЕФА и ФИФА, обвинувајќи ги дека тие се виновни затоа што неговата екипа не е спремна.

„Повторно доцниме затоа што УЕФА и ФИФА не овозможија одмор на фудбалерите. Чекам да ми дојдат седум-осум играчи. Родри одработи само два тренинзи, Лапорта е во изолација…Ќе мора да бркаме резултати и покрај тоа што не сме на нашето највисоко ниво. Така минатата година изгубивме од Вулверхемптон и примивме пет голови од Лестер“, изјави Гвардиола.

Сезоната во Англија започнува наредната недела, а Сити одбраната на титулата ќе ја започне на гости кај Тотенхем во Лондон.