Вчера си постигна автогол, денеска е продаден за 30 милиони евра

Досегашниот играч на Реал Сосиедад, Робин ле Норман, ќе стане нов играч на Атлетико Мадрид.

Одличниот стопер кој израсна во Брест, а потоа играше за баскискиот клуб од 2016 година, на Реал Сосиедад ќе му донесе голема заработка во износ од 30 милиони евра,

Личните услови се договорени, тоа ќе биде повеќегодишен договор за дваесет и седумгодишното момче кое токму вчера против Грузија си постигна автогол за предност на ривалот. Како што е познато, Шпанија подоцна направи пресврт и со победа од 4:1 се пласираше во продолжението на натпреварувањето, па така тој негов автогол не влијаеше на конечниот исход.

Неговото пристигнување во Атлетико секако ќе биде големо засилување за тимот на Диего Симеоне.