Во Серија А нема фудбал до мај-јуни? Невозможно е одружување на ЕП ова лето?

Голот на Џереми Бога од 74. минута во натпреварот помеѓу Сасуоло и Бреша (3:0) лесно би можел да биде последен кој го видовме во Серија А на подолг период. Топката на Апенините мирува и не изгледа дека наскоро ќе се затркала.

Иако прогнозите беа оптмистични и сезоната се запре до 2. Април, меѓутоа ситуацијата изгледа бара подолга пауза.

„Формула 1 веќе го одложи почетокот за мај. Има предлог фудбалот да се врати на стадионите на 5. април, но тоа е невозможна мисија. Се надевам дека би можеле да заиграме кон крајот на мај или јуни. Само под услов се да помине како што е планирано“, нагласи Дамјано Томази, претседателот на Унијата на професионални фудбалери.

Томази сфаќа каква опасност носи КОВИД – 19 па предупредува.

„Нашата обврска како граѓани е да останеме дома. Тоа е комплицирано затоа што се уште постојат подрачја во Италија каде што поединци не ја разбираат потребата за такво нешто“.

Тој даде и свој коментар за Европското првенство.

„Ми изгледа невозможно Европското првенство да се одржи оваа година бидејќи е планирано да се игра во 12 земји“, заврши Томази.