Видео: Чудо на ВБА – го победија Тотенхем со гол во последните минути и се уште се „живи“!

Денес во терминот од 16:00 часот се одиграа четири натпревари во англиската Премиер лига.

Најголемото изненадување го направи Вест Бромвич Албион кој со гол во последните минути од натпреварот успеа да го совлада Тотенхем, а така и да си ги задржи минималните шанси за опстанок во Премиер лигата.

Иако сите веќе ги отпишаа ВБА успеа да слави над Тотенхем и тоа со голот на Ливермор во 93 минута од натпреварот.

Победата на ВБА е одлична вест за Челзи кој со евентуална победа во утрешното дерби против Ливерпул би стигнал на само два бод од Тотенхем и од местото кое води во Лигата на шампионите наредната сезона.

Вест Хем денес славеше на гостувањето против Лестер со 0:2 и така го обезбеди опстанокот. Головите за гостите ги постигнаа Жоао Марио и Марк Нобл.

Во останатите два натпревари Бурнемоут ја совлада Свонси со 1:0 и Вотфорд славеше против Њукасл со 2:1.