Видео: Селта падна, титулата на дофат!

„Кралевите“ вечерва запишаа убедлива победа од 4:1 на гости против Селта.

Иако резултатот кажува нешто друго, на теренот Селта беше достоен , на моменти можеби и подобар противник. За тоа зборуваат десетте шута кои ги имаа домаќините во првиот дел, сепак на полувремето Реал водеше со голот на Роналдо во 10 минута.

На стартот на вториот дел Роналдо зголеми и на 2:0, а надежите на гостите веројатно згаснаа кога Jаго Аспас во 62 минута заработи црвен картон.

Сепак Гуидети само седум минути подоцна намали на 1:2, но Бензема веќе во следниот напад ја врати предноста од 1:3 за „кралевите“. Конечните 1:4 ги постави Тони Крос во 88 минута од натпреварот.

После оваа победа на Реал потребен му е само бод во последното коло за да ја обезбеди титулата.