Видео: Пандев влезе во игра и за 20 минути го “реши“ Јувентус

Нашиот најдобар фудбалер и член на Џенова, Горан Пандев денеска повторно покажа дека е специјалист за големи натпревари.

Популарниот Гоче влезе во игра во 60 минута од натпреварот, а веќе во 72. минута асистираше за голот на Стураро за 1:0. Осум минути подоцна Пандев постигна погодок за 2:0 и го запечати натпреварот.

Ова за Јувентус е прв пораз оваа сезона, а токму кобен за Старата дама беше нашиот репрезентативец, кој влезе во добра форма пред квалификациите за ЕУРО 2020.