Видео: Ливерпул на крилјата на Салах и Фирмино до победа – петата од Бразилецот потег на мечот!

Во терминот од 17:30 часот во рамките од 27 коло во Премиер лигата својот натпревар го одиграа екипите на Саутемптон и Ливерпул.

„Црвените“ одиграа одличен натпревар и славеа победа на гостински терен од 0:2. Роберто Фирмино успеа да погоди после само шест минути игра, асистент на овој погодок беше Мохамед Салах.

Се играше финишот од првиот дел кога повторно проработе фантастичниот тандем на Ливерпу, Фирмино-Салах. Овој пат стрелецот на првиот гол беше во улога на асистент кој на фантастичен начин со пета го проигра својот соиграч за предност од 0:2.

Во вториот дел Ливерпул продолжи со добрата игра, ја имаше контролата во текот на целиот натпревар, за на крај да стигнат до посакуваните три бода.

По денешниот пораз на Јунајтед и оваа победа на Ливерпул, „црвените“ стигнуваат на само два бода од втората позиција.