Францускиот стручњак Арсен Венгер изјави дека работата во Арсенал би сакал да ја заврши така што ќе помогне тимот да се врати во ЛШ.
После 22 години работа со Топџиите, Венгер ова лето ќе го напушти клубот.
Диск голф го освојува светот, а го нема во Македонија!? ↓↓↓
Повеќе од сигурно е дека Арсенал оваа сезона во ПЛ нема да ја заврши меѓу четирите најдобри екипи, односно нема да обезбеди директен пласман во ЛШ следната сезона.
Единствениот начин тимот на Венгер следната сезона да се натпреварува во најелитното фудбалско клубско натпревварување е да ја освои Лига Европа оваа сезона.
„Сакам да ја завршам работата на вистински начин.“ – изјави Венгер пред реванш натпреварот против Атлетико Мадрид.
„Верувам дека секој поединец треба да го даде својот максимум, да е потполно посветен, дури и ако заминува. Сакам да заминам од Арсенал знаејќи дека до последниот ден сум бил фокусиран. Ќе видиме што ќе биде кога ќе заминам од клубот, но сакам да ја завршам оваа љубовна приказна на убав начин.“
Првиот натпревар во Лондон заврши со резултат 1:1, иако Арсенал во поголемиот дел од натпреварот имаше играч повеќе.
Реванш натпреварот е на програмата денеска со почеток во 21:05 часот.
Учество во игри на среќа е дозволено за лица со 18+ години. Играј одговорно!