Вајлдер: Не знам зошто беше фрлен пешкирот, бев спремен да се борам до крај

Фантастичниот Тајсон Фјури со технички нокаут во седмата рунда го победи Деонтај Вајлдер и ја освои светската титула во ВБВ категоријата.

Фјури доминираше од првата секунда, а судијата ја прекина борбата откако од аголот на рингот на Вајлдер долета пешкирот.

Вајлдер остана без титулата која успешно ја одбрани девет пати во кариерата, а за Фјури ова е прва титула после 2015 година кога сензационално го сруши Владмир Кличко.

„Не знам зошто беше фрлен пешкирот, бев спремен да се борам до крај. Но, немам што да замерам. Подобриот борец победи. Не се чувствував најдобро пред борбата, имав проблеми, но тоа сега нема врска. Фјури ја искористи приликата и тоа е тоа“, изјави Вајлдер после борбата.