Варан разочаран, побарал трансфер

Рафаел Варан минатото лето се пресели во Манчестер Јунајтед од Реал Мадрид, но после само една година сака да си замине од „Олд Трафорд“.

Францускиот стопер минатото лето самиот побара трансфер и за 50 милиони евра се пресели во Манчестер Јунајтед, но не е задоволен како се одвиваат работите на „Олд Трафорд“.

Французинот бил разочаран од одлуката на новиот тренер Ерик Тен Хаг да го остави на клупата на првиот меч и побарал трансфер.

29-годишниот Варан во првата сезона се вклопи во сивилото на тимот и не одигра добро, а сега сака да се пресели во тим кој настапува во Лигата на шампиони.

Варан има договор со „црвените ѓаволи“ до јуни 2025 година и би можел да го напушти „Олд Трафорд“ за 40 милиони евра.