Важен потпис на „Енфилд“

Дефанзивецот Џо Гомез стави потпис на нов договор со Ливерпул каде што настапува во изминатите седум години.

Гомез во Ливерпул дојде од Чарлтон во 2015 година и во тимот од „Енфилд“ оствари големи успеси, собра вкупно 142 настапи во дресот на „црвените“.

„Ова е посебен момент за мене и моето семејство. Нов момент за кој сонувате од дете. Ливерпул е фантастично место, веројатно едно од најдобрите на кое може да бидете, можеби и најдобриот клуб во светот. Не ми беше тешко да се одлучам да го продолжам договорот“, изјави Гомез.

Во изминатата сезона Гомез настапи на 21 натпревар.

We’re delighted to announce that @J_Gomez97 has signed a new long-term contract with the Reds 🙌

— Liverpool FC (@LFC) July 7, 2022