„Бомба“: Ливерпул го сака Елмас во јануари

Турските медиуми лансираа вистинска „бомба“ и тврдат дека Ливерпул сака да го донесе македонскиот репрезентативец Елиф Елмас.

Елмас оваа сезона не добива голема минутажа во тимот на Наполи, но тој веќе го покажа својот потенцијал и го привлече вниманието на многу клубови.

Најконкретен интерес за Елмас покажува Ливерпул, бидејќи Клоп сака значително да го засили средниот ред каде има малку алтернативи.

Најголема желба на Клоп е токму Елмас, со оглед дека е поливалентен фудбалер кој може да одговори на неколку позиции и во средниот ред и во нападот.

Наполи за македонскиот „дијамант“ бара 30 милиони евра, сума која нема да биде проблем за Ливерпул.