Бернардо Силва: Се колнам, Гвардиола мора да ми доведе уште еден Португалец!

Португалецот од редовите на Манчестер Сити, Бернардо Силва тврди дека после Мундијалот ќе бара од Пеп Гвардиола да му биде доведен уште еден сонародник.

Поранешниот офанзивец на Монако брзо стана миленик на Пеп Гвардиола кој често пати знае да го пофали во медиумите. Сега Силва открива дека тој во тимот често пати е мета на шеги од страна на неговите соиграчи.

„Проблемот е што сум единствен Португалец во тимот. Опкружен сум со Бразилци, Шпанци и Англичани кој често пати ме исмеваат на Инстаграм. Во една ситуација ми ги врзаа копачките на плафон, а во друга ме фрлија облечен во базен“, зборуваше Бернанрдо во интервјуто за англиските медиуми.

Силва истакна дека атмосферата во тимот е одлична, но додаде дека му е потребна помош од барем еден сонародник.

„Секојдневните тренинзи се исполнети со многу шеги и забава. Мислам дека тоа е реткост во денешниот фудбал. Најчесто за забавата се задолжени Бразилците, Фернандињо, Едерсон, Данило и Жесус кои имаат формирано свој клан. Имам одличен однос со нив. Но, се колнам дека после Светското првенство ќе го убедам Гвардиола да доведе уште еден Португалец. Не е важно колку ќе биде добар, само ми треба да биде креативен во смислувањето штосови“, заклучи Силва.