Барселона поради Де Јонг ќе мора да го продаде Тер Штеген

Френки де Јонг одбива да ја напушти Барселона, а тоа е проблем за клубот кој треба да го намали буџетот за плати.

Барса го притиска Де Јонг да прифати намалување на платата за 50% или да биде продаден, а неговиот агент се уште ги отфрла двете опции.

Поради тоа можеби колатерална жртва ќе биде голманот Марк-Андре Тер Штеген. Финансиската состојба во клубот наложува да биде продаден еден фудбалер со голема плата за да бидат регистрирани Левандовски и Рафиња.

Од „Камп Ноу“ мора да си замине и Мемфис Депај, како и Мингеза, Нето, Умтити, Брајтвајт и Пуиг, на кои не смета тренерот Чави.