Барселона драстично ја намали цената на Кутињо

Најскапото засилување во историјата на Барселона, Филипе Кутињо се покажа како големо промашување, па ова лето беше испратен на позајмица во Баерн Минхен.

Баварците за позајмицата на Бразилецот платија 20 милиони евра и имаат можност да го откупат за додатни 120 милиони евра, но тоа најверојатно нема да се случи.

27-годишниот Кутињо на лето ќе се врати во Барселона, но јасно е дека за него повеќе нема место на „Камп Ноу“, па каталонскиот клуб е спремен да ја намали цената.

„Мундо Депортиво“ пренесува дека Барселона е спремна да го продаде Бразилецот доколку некој клуб понуди 80 милиони евра, а најсилен интерес за Кутињо покажуваат ПСЖ и Манчестер Јунајтед.