Барселона доби добри вести пред „Ел Класико“

Во недела во Ла Лига се игра големото дерби помеѓу Реал Мадрид и Барселона.

Пред нас е важно „Ел Класико“, Барселона после 25 кола е прва на табелата со два бода повеќе од Реал и со победа Каталонците би можеле да направат солидна предност.

И на двете страни има проблеми, а Кике Сетиен од денес има барем една грижа помалку.

Имено, Жорди Алба утрово се врати на тренинзите и одработи половина сесија.

Ова значи дека Барселона ќе има 15 првотимци на располагање за дербито, Сетиен ќе мора да повика три младинци. Сигурни се Ансу Фати и Рики Пуиг, за третото место не е сигурно, но тоа може да му припадне на Серхио Акиеме.