Барселона го претстави Видал: Среќен сум што сум дел од најдобриот клуб во светот

Aртуро Видал денес го комплетираше трансфер во редовите на Барселона.

Чилеанецот денес беше претставен како нов фудбалер на каталонскиот гигант со кој потпиша договор на три години, што значи се обврза со Барса до 2021 година.

Видал утрово ги помина медицинските прегледи, а кога доби зелено светло од докторите можеше да се премине на официјалниот дел од потпишувањето на договорот.

„Среќен сум, се радувам што ќе започнам да тренирам со играчите и што ќе облечам дрес на важен и голем клуб“, изјави Видал.
Секако и Видал не помина без веќе добро позната, по малку и досадна реченица.

„Ова е сон. Го исполнив својот сон. Се надевам дека ќе постигнам многу голови и ќе освоиме многу титули, ќе дадам се од себе на теренот. Среќен сум што станувам дел од најдобриот клуб во светот“, заврши Чилеанецот.

? Like father, like son
? @kingarturo23
?? #EnjoyVidal pic.twitter.com/UCZKRQNcqH

— FC Barcelona (@FCBarcelona) August 6, 2018