Барса на Лаутаро му нуди шест пати поголема плата од Интер?!

Eкипата на Барселона е во потрага по напаѓач кој на подолг период би го наследил Луис Суарез.

Лаутаро Мартинез од Интер веќе подолго време е мета на Каталонците и се поврзува со Барселона. Меси веќе истакна дека би го довел својот сонародник во Барселона.

Сега медиумите во Шпанија пишуваат за платата која Лаутаро би можел да ја добива во Барселона. Ако информациите се точни тие се спремни да му ја зголемат за дури шест пати во однос на она што сега го добива во Интер.

Мартинез од Интер добива три милиони евра годишна, а Барселона наводно може да му понуди дури 18 милиони евра.

Останува времето да покаже како Лаутаро ќе реагира доколку навистина постои ваква понуда од каталонскиот гигант.