Баерн потврди: Го сака Палиња во јануари

На Баерн Минхен во последниот ден од преодниот рок му пропадна трансферот на Палиња од Фулам.

Португалецот игра фантастично во Премиер лигата, а во летниот преоден рок беше на чекор од трансфер во Баерн Минхен.

Тој пристигна во Минхен и ги мина лекарските прегледи, но во последен момент Фулам ги промени условите.

Меѓутоа, Баерн не се откажува од намерата да го доведе играчот за врска во Минхен, бидејќи е голема желба на Тухел, а и самиот фудбалер сака да ја промени средината.

Сега директорот на Баерн, Кристоф Фројнд потврди дека Португалецот останува цел.

„Секако дека Палиња е наша мета и на нашиот радар“, рече Фројнд.

Фулам летово ја прифати понудата на Баерн од 50 милиони евра, но не успеа да најде замена во последниот ден од преодниот рок, поради што трансферот не беше реализиран.